CƏMİYYƏT


Arlem Dezir: Cənubi Qafqazda cərəyan edən proseslər fonunda medianın inkişafı vacibdir

Tbilisi, 9 oktyabr, AZƏRTAC

Bu gün Cənubi Qafqazda media sahəsində inkişaf var. Bu regionda cərəyan edən ciddi proseslər fonunda medianın inkişafı vacibdir.

AZƏRTAC xəbər verir ki, bu sözləri jurnalistlərə müsahibəsində ATƏT-in media azadlığı üzrə xüsusi nümayəndəsi Arlem Dezir söyləyib.

Xüsusi nümayəndə bildirib ki, ATƏT-in “Dəyişən şəraitdə KİV azadlığı və jurnalistlərin təhlükəsizliyinin möhkəmləndirilməsi” mövzusunda Tbilisidə keçirilən media konfransında bu məsələ də diqqət mərkəzindədir.

Arlem Dezir qeyd edib ki, Cənubi Qafqazda media və internet azadlığı ilə bağlı son illər ərzində həyata keçirilən islahatlar nəticəsində mühüm nəticələr əldə olunub. O, gələcəkdə medianın inkişafı baxımından islahatların daha da artırılacağına ümidvar olduğunu vurğulayıb.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.