CƏMİYYƏT
Arterial hipertoniya ilə bağlı maarifləndirici aksiya keçirilib
Bakı, 18 may, AZƏRTAC
İctimai Televiziya (İTV) və Radio Yayımları Şirkətində maarifləndirici aksiya keçirilib. Aksiya Ümumdünya Arterial Hipertoniya ilə Mübarizə Günü və qeyri-infeksion xəstəliklərin profilaktikası üzrə ölkəmizdə keçirilən maarifləndirici kampaniya çərçivəsində təşkil olunub.
AZƏRTAC İctimai Səhiyyə və İslahatlar Mərkəzinin (İSİM) rəsmi instaqram səhifəsinə istinadla bildirir ki, iştirakçılar qeyri-infeksion xəstəliklər barədə məlumatlandırılıb. Aksiyada bu xəstəlikləri yaradan əsas səbəblərin zərərli vərdişlər, tütünçəkmə, spirtli içkilərdən sui-istifadə, qeyri-sağlam qidalanma və fiziki passivlik olduğu deyilib. İştirakçılara sağlamlığın qorunması istiqamətində tövsiyələr verilib, eyni zamanda maarifləndirici materiallar paylanılıb.