MƏDƏNİYYƏT


“Artım” layihə məkanında sənədli filmlər nümayiş olunacaq

Bakı, 1 avqust, AZƏRTAC

YARAT Müasir İncəsənət Məkanı filmsevərləri “Homo Urbanus” sənədli filmlərin nümayişinə dəvət edir.

YARAT-dan AZƏRTAC-a bildirilib ki, avqustun 4-də “Artım” layihə məkanında “Rabatius” (Rabat) və “Shanghaianus” (Şanxay) filmləri göstəriləcək.

Vizual antropologiya və müşahidə filmi “Homo Urbanus” – ictimai məkan anlayışını amansızca kiçildən və onu minimum vəziyyətinə gətirib çıxardan, təcrid və sosial uzaqlaşmanın məhdudiyyətlərini təsvir edir. Bu filmlər şəhər insanını sanki "mikroskop" altına qoyur və kollektiv davranışa, şəxsiyyətlərarası dinamikaya, sosial gərginliyə, hər gün şəhər küçələrinin möhtəşəm səhnəsində oynayan iqtisadi və siyasi qüvvələrə daha yaxından baxmağa təşviq edir.

Nümayişin sonunda ACID praktikasının (Madrid) həmtəsisçisi və “Manarch Studio”nun (Bakı) tərəfdaşı, memar, qrafik dizayner və redaktor Ucal Qorçu ilə kiçik diskussiya keçiriləcək.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.