MƏDƏNİYYƏT


Arturo Sandoval Heydər Əliyev Sarayında konsert proqramı ilə çıxış edəcək

Bakı, 11 yanvar, AZƏRTAC

Martın 2-də Heydər Əliyev Sarayında “Qremmi”, “Emmi” və “Billbord” mükafatları laureatı Arturo Sandoval konsert proqramı ilə çıxış edəcək.

AZƏRTAC xəbər verir ki, truba ifaçısı Arturo Sandoval zəmanəmizin ən görkəmli musiqiçisi, ən parlaq ifaçılarından biridir. Dizzi Gillespinin şagirdi olmuş Arturo Sandoval 12 yaşından klassik trubada ifa etməyə başlayıb və tezliklə caz dünyasını özünə heyran etməyi bacarıb. O vaxtdan Arturo caz trubasında və flügerhornda ifa edən məşhur musiqiçilərdən birinə, eləcə də pianoçu və bəstəkara çevrilib.

Sandoval truba və orkestr üçün konsertlərin müəllifidir. Onun hərtərəfli istedadını çoxsaylı ifaçılarla - Dizzi Gillespi, Vudi Şo, Mişel Leqran, Coş Qroban, Toni Bennet, Bill Konti, Stan Getz, Conni Metis, Frank Sinatra, Pol Anka, Rod Stüart, Alişa Kiz və başqaları ilə birgə çıxışında da görmək mümkündür. Sandoval çoxsaylı filmlər üçün musiqi bəstələyib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.