İDMAN


Əsgərxan Novruzov: Turan Bayramovun potensialına inanırdıq

Bakı, 15 oktyabr, AZƏRTAC

İki aya yaxındır Olimpiadaya hazırlaşırdıq və əziyyətimiz öz bəhrəsini verdi.

AZƏRTAC xəbər verir ki, bu sözləri Argentinanın paytaxtı Buenos-Ayresdə keçirilən Yeniyetmələrin III Yay Olimpiya Oyunlarında qızıl medal qazanan sərbəst güləşçimiz Turan Bayramovun çempionluğunu şərh edən yığmamızın böyük məşqçisi Əsgərxan Novruzov deyib.

Mütəxəssis güləşçimizin uğuruna əvvəlcədən inandığını söyləyib: “Turanın potensialına inanırdıq. Bu il həm Avropa, həm də dünya çempionu olmuşdu. Ancaq Olimpiadanın ab-havası başqadır. Burada da sözünü dedi. Bu, bizim üçün çox sevindirici haldır. Turanın üzərində əziyyəti keçən bütün məşqçilərə minnətdarlığımı bildirirəm ki, əllərindən gələni əsirgəmədilər və biz də bu nəticəni verdik”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.