CƏMİYYƏT


Aşqabadda Xəzər dənizində xilasetmə işlərinə dair əməkdaşlıq məsələləri müzakirə edilib

Aşqabad, 12 mart, AZƏRTAC

Türkmənistan Xarici İşlər Nazirliyində Xəzəryanı ölkələrin səlahiyyətli nümayəndələri Xəzər dənizində axtarış-xilasetmə əməliyyatlarının aparılmasında əməkdaşlıq haqqında hökumətlərarası saziş layihəsi barədə razılığa gəliblər.

AZƏRTAC xəbər verir ki, iclasda Azərbaycanı Müdafiə Nazirliyinin idarə rəisi Davud Bağırlı, Fövqəladə Hallar Nazirliyinin əməkdaşı Cavid Zeynalzadə və Dövlət Dəniz Agentliyinin əməkdaşı Əmrah Abbasovdan ibarət nümayəndə heyəti təmsil edir.

Bundan başqa, Azərbaycan nümayəndə heyətinin iştirakı ilə martın 14-15–də Xəzəryanı dövlətlərin hökumətləri arasında Xəzər dənizində elmi-tədqiqat sahəsində əməkdaşlıq haqqında Sazişin müzakirəsi keçiriləcək.

Azərbaycan, İran, Türkmənistan, Qazaxıstan və Rusiyadan olan mütəxəssislərin ikigünlük iclası Türkmənistan Xarici İşlər Nazirliyi və bu ölkənin Prezidenti yanında Xəzər dənizi məsələləri üzrə Dövlət Müəssisəsi tərəfindən təşkil olunub.

İlahə Əhmədova

AZƏRTAC-ın xüsusi müxbiri

Aşqabad

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.