REGİONLAR


Astarada “Gəncliyin səsi” rəsm müsabiqəsinin qalibləri mükafatlandırılıb

Astara, 2 fevral, Bağır Əliyev, AZƏRTAC

Astara Rayon Dövlət Rəsm Qalereyasında 2 fevral - Azərbaycan Gəncləri Gününün təsis edilməsinin 25 illiyi münasibətilə “Gənclər həftəsi” çərçivəsində keçirilən “Gəncliyin səsi” mövzusunda rəsm müsabiqəsinə yekun vurulub.

AZƏRTAC-ın bölgə müxbiri xəbər verir ki, Astara rayonunun ümumtəhsil məktəblərini və Astara Rayon Dövlət Rəsm Qalereyasını təmsil edən 25 istedadlı gəncin çəkdiyi rəsmlər münsiflər heyəti tərəfindən qiymətləndirilib.

Səncərədi kənd tam orta məktəbin IX sinif şagirdi Elvira Fəriyeva birinci, Qazax Rayon Rəssamlıq Məktəbinin yetirməsi Fidan Hüseynli ikinci və Astara şəhər 5 nömrəli tam orta məktəbin X sinif şagirdi Ruhanə Hüseynzadə üçüncü yerlərə layiq görülüblər.

Rəsm müsabiqəsində fəxri yerlərə sahib olan və fərqlənən gənclərə Astara Rayon Gənclər və İdman İdarəsinin fəxri fərmanları və hədiyyələri təqdim olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.