REGİONLAR
Astarada ilk dəfə səs verəcək gənclərə seçki prosesi izah olunub
Astara, 9 mart, Bağır Əliyev, AZƏRTAC
Aprelin 11-nə təyin olunmuş prezident seçkiləri ilə bağlı Astara Pedaqoji Kollecində “Mən ilk dəfə səs verirəm” mövsuzunda keçirilən seminarda gənclərə seçki prosesi barədə ətraflı məlumat verilib.
AZƏRTAC-ın bölgə müxbiri xəbər verir ki, seminarda Astara Pedaqoji Kollecinin direktoru Ağababa İbrahimovun, rayon Gənclər və İdman İdarəsinin rəisi Ərçə Əliyevin və 77 saylı Astara Seçki Dairəsinin katibi Gülhəsən Mirzəyevin “Konstitusiyada seçki hüququnun əsasları”, “Seçki məcəlləsində əsas terminlər”, “Seçki hüququ və onun əsas növləri”, “Seçki sistemi”, “Seçki hüququnun əsas prinsipləri”, “Seçki prosesi və onun mərhələləri” mövzularında çıxışları dinlənilib.
Tədbirdə gəncləri maraqlandıran suallar cavablandırılıb, onlara seçkilərlə bağlı maarifləndirici bukletlər paylanılıb.