REGİONLAR


Astarada mövsümün ikinci bal süzümünə başlanılıb

Məhsuldarlıq ötən illə müqayisədə 20 faiz artıb 

Astara, 1 avqust, Bağır Əliyev, AZƏRTAC

Astara rayonunda arıçılıqla məşğul olan fermerlər və məhsul istehsalçıları bu il yüksək məhsuldarlığa nail olublar.

AZƏRTAC-ın bölgə müxbiri xəbər verir ki, rayonun arıçıları ilk bal süzümünü may ayının sonu - iyunun əvvəllərində aparmışdılar. Bundan sonra isə daha da bol məhsul əldə etmək üçün arı ailələri Aran rayonlarına köçürülmüşdü. Hazırda isə tədricən geri gətirilən arı ailələrindən mövsümün sonuncu bal süzümünə başlanılıb.

Orta hesabla hər bir arı ailəsindən 24-25 kiloqram bal əldə edən arıçılar bu il məhsuldarlığın ötən illə müqayisədə 20 faiz artdığını bildiriblər.

Arıçılar balın qiymətini onun keyfiyyətindən asılı olaraq 25-35 manat arasında dəyişdiyini deyirlər.

Qeyd edək ki, Astara rayonunda olan 1300 arıçılıq təsərrüfatında 27 minə yaxın arı ailəsi saxlanılır. Ötən il rayonda 300 ton bal məhsulları istehsal olunub. Bu il bu rəqəmin 400 tona çatdırılması nəzərdə tutulur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.