REGİONLAR


Astaralı idmançı Avropa çempionu adını qazanıb

Astara, 3 may, Bağır Əliyev, AZƏRTAC

Ukraynanın Xarkov şəhərində kikboksinq üzrə peşəkarlar arasında keçirilən Avropa çempionatında Azərbaycan yığma komandasının tərkibində çıxış edən astaralı idmançı Məmmədov İmaməli Eldar oğlu uğurlu nəticə qazanıb.

AZƏRTAC-ın bölgə müxbiri xəbər verir ki, səkkiz ölkənin iştirakı ilə keçirilən Avropa çempionatında həmyerlimiz İmaməli Məmmədov 60 kiloqram çəki dərəcəsində “K-1” versiyası üzrə fəxri kürsünün ən yüksək pilləsinə ucalaraq qızıl medala layiq görülüb.

Astaralı idmançı, həmçinin ən yüksək texniki və taktiki hazırlığa görə də çempionatın diplomuna layiq görülüb.

İmaməli Məmmədovu yarışa kikboksinq üzrə məşqçi, IV dan Qara kəmər ustası Əbülfəz Məmmədovun hazırlayıb.

Mayın 3-də Astara Rayon Gənclər və İdman İdarəsində Avropa çempionu İmaməli Məmmədovla görüş keçirilib.

İdarənin rəisi Ərçə Əliyev İ.Məmmədovu və onun məşqçilərini qazanılan uğur münasibətilə təbrik edərək, gənc idmançıya yeni-yeni qələbə sevincləri arzulayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.