REGİONLAR


Astaranın Burzubənd kəndində yeni məktəb binası tikilir

Astara, 26 noyabr, Bağır Əliyev, AZƏRTAC

Regionların sosial-iqtisadi inkişafına dair üçüncü Dövlət Proqramında nəzərdə tutulmuş tədbirlərə müvafiq olaraq Astara rayonunun Burzubənd kəndində 360 şagird yerlik yeni məktəb binası tikilir.

AZƏRTAC-ın bölgə müxbiri xəbər verir ki, Təhsil Nazirliyinin sifarişi ilə “Litosfer” MMC-nin inşaatçıları tərəfindən tikilən ikimərtəbəli, üç korpusdan ibarət yeni təhsil ocağının tikintisində 20-də çox yerli işçi çalışır.

Müasir arxitektura üslubunda tikilən təhsil ocağında şagirdlərin yüksək səviyyədə təhsil almaları üçün hər cür şərait olacaq.

Ərazidə 120 metr dərinliyində artezian quyusu qazılıb, 30 və 100 tonluq su anbarları inşa edilib. İşıq, istilik və su sistemləri quraşdırılacaq, məktəbin həyətində idman meydançası və istirahət guşələri yaradılacaq.

Yeni məktəb binasının 2019-cu ilin sentyabr ayında istifadəyə verilməsi nəzərdə tutulub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.