REGİONLAR


Astaranın Siyakü kəndində arıçılıq məhsullarının emalı və qablaşdırılması sexi tikilir

Astara, 13 sentyabr, Bağır Əliyev, AZƏRTAC

Astarada istehsal olunan arıçılıq məhsulları təkcə Azərbaycanda deyil, ölkəmizin hüdudlarından kənarda da tanınır. Hər il Bakı şəhərində keçirilən arıçılıq məhsullarının satış yarmarkasında Astara arıçılarının təqdim etdikləri balın keyfiyyətindən alıcılar razılıqla danışırlar.

Rayonda istehsal olunan arıçılıq məhsullarının daha geniş miqyasda satışını təşkil etmək məqsədilə müasir tələblərə cavab verən emal və qablaşdırma sexi tikilir.

AZƏRTAC-ın bölgə müxbiri xəbər verir ki, Astara Rayon İcra Hakimiyyətinin təşkilatçılığı və ABŞ-ın Beynəlxalq İnkişaf Agentliyini (USAID) maliyyə dəstəyi ilə Siyakü kəndində icma əsaslı arıçılıq məhsullarının emalı və qablaşdırılması sexinin tikintisinə başlanılıb.

Sexdə xaricdən gətirilmiş müasir avadanlıqlar quraşdırılacaq. Burada emal ediləcək və qablaşdırılacaq arıçılıq məhsulları xarici ölkələrə də satışa çıxarılacaq.

Yeni sexin bu il istifadəyə verilməsi nəzərdə tutulub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.