REGİONLAR


Astaranın futbol üzrə yeniyetmələrdən ibarət dörd komandası respublika final mərhələsinə vəsiqə qazanıb

Astara, 9 aprel, Bağır Əliyev, AZƏRTAC

AFFA-nın 2018-2019-cu il təqvim planına uyğun olaraq 4 yaş qrupları (U-10, U-11, U-12, U-14) arasında keçirilən respublika zona yarışlarının yekun nəticələrinə əsasən, Astara rayonunun 4 komandası öz qruplarında birinci və ikinci yerləri tutaraq respublika final mərhələsində iştirak etmək hüququ qazanıb.

AZƏRTAC-ın bölgə müxbiri xəbər verir ki, bu münasibətlə Astara şəhərində qalib komandaların üzvləri və onların məşqçiləri ilə görüş keçirilib.

Görüşdə çıxış edən Astara Rayon Gənclər və İdman İdarəsinin rəisi Ərçə Əliyev, Rayon Uşaq Gənclər İdman Şahmat Məktəbinin direktoru Azər İbrahimov və başqaları yeniyetmə futbolçuları və onların məşqçilərini qazandıqları uğur münasibətilə təbrik edərək, onlara final mərhələsində də qələbə sevincləri arzulayıblar.

Sonda yeniyetmə futbolçulara və onların məşqçilərinə fəxri fərman və hədiyyələr təqdim olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.