DÜNYA


Asuan Forumunda Afrikadakı vəziyyət müzakirə olunub

Qahirə, 2 mart, AZƏRTAC

Misirin təşəbbüsü ilə videokonfrans formatında keçirilən II Asuan Forumunda Afrika ölkələrinin dövlət və hökumət başçıları qitədə pandemiya, sosial-iqtisadi vəziyyət və silahlı münaqişələrin qarşısının alınması məsələlərini müzakirə ediblər.

AZƏRTAC xəbər verir ki, forumda çıxış edən Misir Prezidenti Əbdülfəttah əl-Sisi COVID-19 pandemiyası ilə mübarizədə, habelə onun sosial-iqtisadi fəsadlarının aradan qaldırılmasında BMT-nin strukturları ilə daha sıx əməkdaşlığın əhəmiyyətini vurğulayıb. O, həmçinin terrorizmi, qeyri-leqal miqrasiya və silahlı münaqişələri Afrika qitəsinin ən aktual problemləri kimi xarakterizə edib.

Forumda çıxış edən Cənubi Sudan, Ruanda, Qabon, Seneqal prezidentləri Salva Kiir, Pol Kaqame, Əli Bongo Ondimba, Maki Sal və başqaları Afrika qitəsində vəziyyətin acınacaqlı olduğunu, bəzi ölkələrdə əhalinin aclıq təhlükəsi ilə üzləşdiyini, Sudan, Efiopiya, Konqo, Somalidə terrorçuların fəallaşdığını bildiriblər.

Afrika ölkələri liderlərinin müzakirələri martın 5-dək davam edəcək və forumun yekun Bəyannaməsi qəbul olunacaq.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.