“AtaBank” yeni “AtaNet” internet bankçılıq məhsulunu istifadəyə vermişdir

Bakı, 14 fevral (AZƏRTAC). “AtaBank” “AtaNet” internet bankçılıq məhsulunun təqdimatını keçirmişdir.

Bankdan AZƏRTAC-a bildirmişlər ki, “AtaNet” ənənəvi bankçılıqda bütün mümkün əməliyyatları yerinə yetirməyə imkan verən müasir bankçılıq sistemidir. Sistem beynəlxalq standartlara uyğun hazırlanmış və bir neçə səviyyəli mühafizə ilə təmin olunmuşdur.

“AtaBank” ASC idarə heyətinin üzvü, icraçı direktor Elnur Osmanov bildirmişdir ki, “AtaNet” “ASAN imza” ilə inteqrasiya olunmuş ilk və yeganə internet bankçılıq məhsuludur. Bu məhsul korporativ biznes nümayəndələrinin, fərdi sahibkarların və VIP müştərilərin ehtiyaclarına və tələblərinə uyğun hazırlanmışdır.