CƏMİYYƏT


“Ətraf mühitin mühafizəsində gənc nəslin rolu” mövzusunda yay məktəbinin bağlanış mərasimi keçirilib

Bakı, 2 avqust, AZƏRTAC

Avqustun 2-də Yeni Azərbaycan Partiyasının və Ekologiya və Təbii Sərvətlər Nazirliyinin birgə təşəbbüsü ilə təşkil olunmuş “Ətraf mühitin mühafizəsində gənc nəslin rolu” mövzusunda yay məktəbinin bağlanış mərasimi keçirilib.

AZƏRTAC xəbər verir ki, tədbir iştirakçılarını salamlayan Ekologiya və Təbii Sərvətlər naziri Muxtar Babayev yay məktəbində iştirak edən gənclərə uğurlar arzulayıb.

Yeni Azərbaycan Partiyası icra katibinin müavini, Milli Məclisin ictimai birliklər və dini qurumlar komitəsinin sədri Siyavuş Novruzov yay məktəbində iştirak edən gənclərin ətraf mühitin mühafizəsində görülmüş işlərlə tanış olduğunu, bilik və bacarıqlarını artırdığını qeyd edib. O, yay məktəbinin yüksəkixtisaslı kadr heyətinin formalaşmasında mühüm rol oynayacağını bildirib.

Onun sözlərinə görə, Yeni Azərbaycan Partiyası ekoloji mahiyyət kəsb edən layihələr həyata keçirir. Partiya üzvləri hər il ağacəkmə aksiyalarında fəal iştirak edir, yaşıllıqların salınmasına töhfələrini verirlər. Komitə sədri Ekologiya və Təbii Sərvətlər Nazirliyinin hər zaman partiyanın ekoloji layihələrinə dəstək verdiyini diqqətə çatdırıb. O, həmçinin gələcək layihələr barəsində də söhbət açıb.

Ekologiya və təbii sərvətlər nazirinin müavini, YAP Siyasi Şurasının üzvü Firdovsi Əliyev, Milli Məclisin əmək və sosial siyasət komitəsinin sədr müavini Rauf Əliyev və başqaları yay məktəbinin təbiətə humanist münasibətin təbliğində, ətraf mühit və təbii sərvətlərin milli dəyər kimi gələcək nəsillər üçün qorunub saxlanılmasında rolundan danışıblar.

Sonda yay məktəbində fəal iştirak edənlər təltif olunublar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.