MƏDƏNİYYƏT


Autizm sindromundan əziyyət çəkənlərə dəstək sərgisi

Bakı, 20 oktyabr, AZƏRTAC

Autizm sindromundan əziyyət çəkən insanlara dəstək məqsədilə Azərbaycan Dövlət Rəssamlıq Akademiyasının muzey-sərgi kompleksində “Mən və mənim fərqli dünyam” mövzusunda sərgi açılıb.

Sərgi, “Psixososial Reabilitasiya və İnkişaf” İctimai Birliyinin (İB) və Azərbaycan Dövlət Rəssamlıq Akademiyasının birgə təşəbbüsü ilə reallaşıb.

İB-dən AZƏRTAC-a bildiriblər ki, tədbirdə iştirakçılara sərgi haqqında məlumat verilib. Bildirilib ki, sərginin məqsədi autizm sindromu haqqında ictimaiyyətin məlumatlandırılması, autizmli uşaqların sosial və psixoloji reabilitasiyasına ictimaiyyətin diqqətinin artırılması, autizmin xəstəlik deyil, bir fərqlilik olmasının çatdırılması, onların neqativ hal olaraq cəmiyyətdən uzaqlaşdırılması və gizlədilməsinin qarşısını almaqdan ibarətdir. Çünki bu uşaqların bəziləri xüsusi qeyri-adi istedada malik olurlar.

Sərgi üçün nəzərdə tutulmuş əsərlərin mövzusu autizmli insanların psixoloji vəziyyətini, onların dünyanı qavramalarını, hisslərinin və emosiyalarının tərənnümünü əhatə edib.

Sərgidə Azərbaycanın tanınmış rəssamları ilə yanaşı, tələbə və gənc rəssamların da əsərləri nümayiş olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.