CƏMİYYƏT


Avqustun birinci ongünlüyü orta temperaturun çoxillik iqlim normasından 3-6º yüksək olması ilə səciyyələnib

Bakı, 13 avqust, AZƏRTAC

Respublikanın əksər bölgələrində avqust ayının birinci ongünlüyü havanın orta temperaturunun çoxillik iqlim normasından 3-6º yüksək olması və yağıntılı hava şəraiti ilə səciyyələnib.

Ekologiya və Təbii Sərvətlər Nazirliyinin Milli Hidrometeorologiya Xidmətindən AZƏRTAC-a verilən məlumata görə, havanın dekadalıq orta temperaturu paytaxt üzrə Maştağada 27,2º, Naxçıvanda 29,3º, Mil-Muğan, Mərkəzi Aran, Gəncə-Goranboy və Qarabağ bölgələrində 27-28º, Lənkəran-Astarada 23-28º, Dağlıq Şirvan bölgəsində və Qubada 24º, Şəki-Zaqatalada 26-28º, Qazax-Tovuzda 19-22º isti təşkil edib.

Havanın minimum temperaturu Tovuzda 9º, Qazaxda 12º, Gədəbəydə 14º, Acınohurda 15º, Quba və Naxçıvanda 18º, Ceyrançöl, Zaqatala, Şəki, Lənkəran və Şamaxıda 19º, Gəncə, Cəfərxan və Bərdədə 20º, Zərdab və Göyçayda 22º, Maştağada 23º isti qeydə alınıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.