SİYASƏT


Avropa Azərbaycanlıları Konqresi “Qarabağ”ın “Düdelanj” ilə oyunu zamanı törədilmiş təxribatı pisləyir

Stokholm, 7 oktyabr, AZƏRTAC

Avropa Azərbaycanlıları Konqresi oktyabrın 4-də Azərbaycanın “Qarabağ” futbol klubunun UEFA Avropa Liqasının qrup mərhələsi çərçivəsində Lüksemburqun “Düdelanj” kollektivi ilə görüşü zamanı bir qrup erməni tərəfindən törədilmiş təxribatı kəskin şəkildə qınayaraq, baş verən bu hadisəni idmanda qəbulolunmaz siyasi (terror) aktı kimi qiymətləndirib.

AZƏRTAC xəbər verir ki, AAK-ın bəyanatında tarixboyu terrorçuluq siyasətindən əl çəkməyən erməni təxribatçılarının bu kimi çirkin əməllərini hər bir sahədə olduğu kimi, idman sahəsində də nümayiş etdirməkləri qeyd olunur. Sənəddə bildirilir ki, “baş verən hadisə yol verilməzdir və Avropa Azərbaycanlıları Konqresi beynəlxalq təşkilatlara erməni təxribatçılarının bu kimi hərəkətlərinin cavabsız qalmamalı olduğunu bəyan edir. Bəyanatda Avropanın müvafiq qurumlarının, baş verən hadisəyə düzgün siyasi qiymət verilməsini tələb olunaraq, əks halda gələcəkdə də idmanın bəzi qrupların siyasi oyuna çevrilməsi təhlükəsi olduğu vurğulanır.

 

Rauf Əliyev

AZƏRTAC-ın xüsusi müxbiri

Stokholm

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.