MƏDƏNİYYƏT


Avropa Film Festivalı çərçivəsində “Əbədi ezamiyyət” sənədli filmi nümayiş etdirilib

Əddis-Əbəbə, 10 noyabr, AZƏRTAC

Efiopiyanın paytaxtı Əddis-Əbəbə şəhərində Avropa İttifaqının yerli nümayəndəliyinin təşəbbüsü və təşkilatçılığı ilə Avropa Film Festivalı keçirilib.

AZƏRTAC xəbər verir ki, festival çərçivəsində Azərbaycan Efiopiyadakı səfirliyinin təşəbbüsü ilə Bakı Media Mərkəzi tərəfindən çəkilmiş “Əbədi ezamiyyət” sənədli filmi nümayiş etdirilib.

Filmin nümayişindən əvvəl səfir Elman Abdullayev çıxış edərək Avropa İttifaqının nümayəndəliyinə təşəkkür edib və Heydər Əliyev Fondunun dəstəyi ilə çəkilmiş “Əbədi ezamiyyət” filminin baş prodüserinin Arzu Əliyeva olduğunu iştirakçıların diqqətinə çatdırıb. Filmin Azərbaycan Xalq Cümhuriyyətinin 1919-cu ilin yanvarında parlament sədri Əlimərdan bəy Topçubaşovun rəhbərliyi ilə Paris Sülh Konfransına ezam edilmiş nümayəndə heyətinin kəşməkəşli taleyindən, eləcə də dövlətçiliyimizin və diplomatiyamızın tarixindən bəhs etdiyini və xalqımızın dünyəvi və demokratik dəyərlərə hələ XX əsrin əvvəlindən sahib olmasına dair obyektiv təsəvvür yaratdığını bildirib.

Diplomat 9 noyabrın Azərbaycanda müstəqilliyimizin və zəngin dövlətçilik tariximizin simvolu olan Dövlət Bayraq Günü kimi qeyd edildiyini vurğulayıb.

Əddis-Əbəbə şəhərində akkreditə olunmuş bir çox ölkələrin səfirlərinin, yerli ictimaiyyət nümayəndələri və digər şəxslərin izlədiyi film tamaşaçılarda böyük maraq oyadıb.

Asya Hacızadə

AZƏRTAC-ın xüsusi müxbiri

Əddis-Əbəbə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.