DÜNYA


Avropa İttifaqı Böyük Britaniyadan Brexitə dair yeni təkliflər gözləyir

Bakı, 6 fevral, AZƏRTAC

Avropa İttifaqı fevralın 7-də Böyük Britaniyanın Baş naziri Tereza Meyin Brüsselə səfəri zamanı Brexit üzrə yeni təkliflər gözləyir, lakin sazişin dəyişdirilməsini istisna edir.

AZƏRTAC TASS informasiya agentliyinə istinadla xəbər verir ki, bu barədə Avropa Şurasının sədri Donald Tusk İrlandiyanın Baş naziri Leo Varadkarla birgə Brüsseldə keçirilən brifinqdə bildirib.

Donald Tusk, həmçinin Avropa İttifaqının İrlandiya sərhədinə nəzarət rejimi üzrə güzəştlərə getməyəcəyini deyib. Bu səbəbdən Tusk və Varadkar hər iki tərəfin sənədi ratifikasiya etməsinə ümidin qalmasına baxmayaraq, Böyük Britaniyanın Avropa İttifaqından sazişsiz çıxmasına intensiv hazırlığın davam etdiyini bildiriblər.

Xatırladaq ki, 2016-cı ilin iyununda keçirilən Brexit üzrə referendumun gedişində Böyük Britaniya vətəndaşlarının 51,9 faizi ölkənin Avropa İttifaqının tərkibindən çıxmasına səs vermişdi. Lakin noyabr ayının ortalarında Sky News telekanalının keçirdiyi sorğunun nəticələrinə əsasən, britaniyalıların 54 faizi Böyük Britaniyanın Aİ-nin tərkibində qalmasını istədiyini bildirmişdi.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.