DÜNYA


Avropa İttifaqı Şərq Tərəfdaşlığı ölkələrinin inkişafı məsələsinə üstünlük verməlidir

Riqa, 5 fevral, AZƏRTAC

Şərq Tərəfdaşlığı layihəsi çərçivəsində aparılan işlər Avropa İttifaqının (Aİ) prioritet vəzifəsi olmalı, Aİ Şərq Tərəfdaşlığı ölkələrinin inkişafına və möhkəmlənməsinə səy göstərməlidir.

Latviyanın xarici işlər naziri Edqar Rinkeviç bu fikri Buxarestdə “Gimnix” (Gymnich) formatında keçirilən qeyri-rəsmi iclasda söyləyib.

AZƏRTAC xəbər verir ki, Rinkeviçin fikrincə, “Şərq Tərəfdaşlığı yeganə platformadır ki, onun vasitəçiliyi ilə region ölkələri Aİ-yə, onun dəyərlərinə və həyat səviyyəsinə yaxınlaşa bilər”. Ona görə də Latviya XİN başçısı hesab edir ki, qarşıdakı illər üçün büdcə barədə diskussiyalarda tərəfdaş ölkələrə dəstək verməyin zəruri olması nəzərə alınmalıdır.

Avropa İttifaqının Şərq Tərəfdaşlığı layihəsinin əsas məqsədi Aİ ilə keçmiş SSRİ məkanındakı altı ölkə - Azərbaycan, Belarus, Gürcüstan, Moldova, Ukrayna və Ermənistan arasında inteqrasiya əlaqələrini inkişaf etdirməkdir.

Aygün Əliyeva

AZƏRTAC –ın xüsusi müxbiri

Riqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.