DÜNYA


Avropa İttifaqı Şurasının təcili iclası keçiriləcək

Praqa, 17 may, AZƏRTAC

Bu gün Avropa İttifaqı Şurasının xarici siyasət məsələləri üzrə təcili müşavirəsinin keçirilməsi nəzərdə tutulur.

AZƏRTAC xəbər verir ki, Aİ üzvləri olan dövlətlərin xarici siyasət idarələrinin rəhbərləri Yaxın Şərqdə vəziyyətin gərginləşməsini müzakirə etmək üçün Brüsseldə toplaşacaqlar. Aİ diplomatiyasının rəhbəri Jozep Borrel özünün sosial şəbəkələrindəki akkauntunda bildirib ki, nazirlər Avropa İttifaqı tərəfindən cari vəziyyətə təsir göstərilməsi yollarını müzakirə edəcəklər. Borrel özünün tvitter mikrobloqunda yazıb: “Biz indiki eskalasiyaya son qoyulmasına Brüsselin necə kömək edə biləcəyini müzakirə edəcəyik”.

Borrel dünən Fələstin Prezidenti Mahmud Abbas ilə söhbət edib.

BMT Təhlükəsizlik Şurası yaranmış vəziyyəti Nyu-Yorkda təcili iclasda müzakirə etmək niyyətindədir.

Pərvanə Qarayeva

AZƏRTAC-ın xüsusi müxbiri

Praqa 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.