DÜNYA


Avropa İttifaqı avtomobillər üçün rüsumun ləğvi ilə bağlı danışıqlar aparacaq

Bakı, 12 iyul, AZƏRTAC 

“Financial Times” nəşrinin yaydığı məlumata görə, Avropa İttifaqının (Aİ) səlahiyyətli məmurları ABŞ ilə total ticarət müharibəsinə yol verməmək üçün dünyadakı nəhəng ixracatçılar arasında avtomobillər üçün rüsumların ləğv edilməsi ilə bağlı sazişin hazırlanması məqsədilə danışıqların aparılmasının mümkünlüyünü qiymətləndirirlər.

AZƏRTAC vergiler.az saytına istinadla bildirir ki, hazırda ilk variant Brüsseldə Avropa Komissiyasının sədri Jan-Klod Yunker ilə ABŞ Prezidenti Donald Tramp arasında keçiriləcək görüşə hazırlıq kontekstində nəzərdən keçirilir. Yüksək səviyyəli görüşün isə bu ay keçiriləcəyi gözlənilir. Qeyd edək ki, keçən ay ABŞ Prezidenti Avropadan öz ölkəsinə idxal edilən avtomobillər üçün 20 faizlik rüsum tətbiq olunacağını bəyan edib.

Hazırda Aİ ölkələrinin müvafiq hökumət qurumlarında ABŞ, Cənubi Koreya, Yaponiya kimi nəhəng tədarükçü dövlətlərlə avtomobillər üçün idxalın ləğvinə dair ikitərəfli saziş imzalanmasının nə dərəcədə mümkün olması məsələsi araşdırılır. Bu cür yanaşma Prezident Donald Trampın ABŞ-ın avtomobil sənayesi sektoruna ədalətsiz yanaşılması barədə şikayəti nəticəsində yaranmış vəziyyəti həll edə, eləcə də avtomobil tədarük edilən digər ölkələr üçün ixrac xərclərini azaltmağa imkan yarada bilər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.