ELM VƏ TƏHSİL


Avropa İttifaqına üzv ölkələrdən olan tədqiqatçılar arasında elmi əməkdaşlıq genişlənir

Bakı, 20 oktyabr, AZƏRTAC

Avstriyanın paytaxtı Vyanada “Tədqiqat və innovasiya siyasəti” mövzusunda seminar keçirilib. Tədbirdə ölkəmizi Azərbaycan Milli Elmlər Akademiyasının Yüksək Texnologiyalar Parkının (AMEA YTP) direktoru, aqrar elmlər üzrə fəlsəfə doktoru Vüqar Babayev təmsil edib.

AMEA-dan AZƏRTAC-a bildirilib ki, tədbir Avropa İttifaqının Tədqiqat və Texnoloji İnkişaf üzrə 8-ci Çərçivə Proqramı – "Horizon-2020" tərəfindən maliyyələşən “Şərq Tərəfdaşlığı PLUS” layihəsi üzrə təşkil olunub.

Seminarın keçirilməsinin əsas məqsədi layihə çərçivəsində Elm, Texnologiya və İnnovasiya üzrə Beynəlxalq Əməkdaşlıq Şəbəkəsini genişləndirmək, “Şərq Tərəfdaşlığı” ölkələrindən və Avropa İttifaqına üzv ölkələrdən olan tədqiqatçılar arasında əməkdaşlığı təşviq etməkdir.

Tədbirdə “İnnovasiya və yeni texnoloji biliklər”, “Elm, texnologiya və innovasiya siyasətinin nəzəri əsasları”, “İnnovasiyaya dəstək alətləri və proqramları” və s. mövzularda məruzələr dinlənilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.