CƏMİYYƏT


Avropa İttifaqında atmosferə karbon qazı emissiyası 2,5 faiz azalıb

Bakı, 8 may, AZƏRTAC

Avropa İttifaqında mədən yanacaqlarının yanmasından əmələ gələn karbon qazı tullantıları 2018-ci ildə əvvəlki illə müqayisədə 2,5 faiz azalıb.

AZƏRTAC bu barədə Avropa İttifaqının “Eurostat” statistika idarəsinin məlumatına istinadla xəbər verir.

“Eurostat”ın göstəricilərinə görə, karbon qazı tullantılarının ən çox azalması Portuqaliya və Bolqarıstanda müəyyən edilib. Bu ölkələrdə həmin göstərici müvafiq olaraq, 9 və 8,1 faiz aşağı düşüb. Daha sonrakı yerlərdə İrlandiya (-6,8 faiz), Almaniya (-5,4 faiz), Niderland (-4,6 faiz) və Xorvatiya (-4,3 faiz) gəlir.

Karbon qazı tullantılarının artması Avropa İttifaqının 8 ölkəsində - Latviya (+ 8,5 faiz), Malta (+ 6,7 faiz), Estoniya (+ 4,5 faiz), Lüksemburq (+ 3,7 faiz), Polşa (+ 3,5 faiz), Slovakiya (+ 2,4 faiz), Finlandiya (+ 1,9 faiz) və Litvada (+ 0,6 faiz) qeydə alınıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.