DÜNYA


Avropa Komissiyası Avropa İttifaqı ölkələrini BMT-nin Miqrasiya Paktını imzalamağa çağırıb

Sofiya, 5 dekabr, AZƏRTAC

Avropa Komissiyası Avropa İttifaqı (Aİ) ölkələrini BMT-nin Miqrasiya Paktını imzalamağa çağırıb.

AZƏRTAC xəbər verir ki, təhlükəsiz, ardıcıl və müntəzəm miqrasiya barədə saziş dekabrın 10-da Mərakeşdə qəbul olunmalıdır. Miqrasiya, daxili işlər və vətəndaşlıq üzrə Avropa komissarı Dimitris Avramopulos bildirib ki, bütün Aİ ölkələri bu sazişi imzalamalıdır. Diqqətə çatdırıb ki, saziş bütün Aİ ölkələrinin maraqlarını təmin edir və qeyri-qanuni miqrasiyanın qarşısını alacaq.

Qeyd edək ki, saziş miqrasiya prosesi zamanı mənfi halların azaldılması, miqrantların müdafiəsi və inteqrasiyası, müntəzəm miqrasiyanın əlçatanlığı və digər məsələləri özündə birləşdirir. Avropa İttifaqına sədrlik edən Avstriya oktyabrın sonunda sazişi imzalamayacağını bəyan etmişdi. Avstriyanın ardınca Çexiya, Bolqarıstan, Macarıstan, Polşa, İsrail, İsveçrə və Avstraliya eyni bəyanatı vermişdilər. ABŞ miqrasiya sazişi barədə müzakirələrdən hələ 2017-ci ildən çıxaraq yeni sənədin ölkənin miqrasiya siyasəti ilə düzgün gəlmədiyini bildirmişdi.

İqbal Hacıyev

AZƏRTAC-ın xüsusi müxbiri

Sofiya

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.