İQTİSADİYYAT


Avropa Pul Viktorinasının final mərhələsi keçirilib

Bakı, 10 may, AZƏRTAC

Azərbaycan Banklar Assosiasiyasının (ABA) təşkilatçılığı ilə milli mərhələsi keçirilmiş Avropa Pul Viktorinasının final mərhələsi baş tutub.

AZƏRTAC ABA-ya istinadla xəbər verir ki, Azərbaycan məktəblilərinin ilk dəfə qoşulduğu yarışmada ölkəmizi 257 nömrəli məktəbin şagirdi Fərid Rəcəbov və 220 nömrəli məktəbin şagirdi Pərviz Fərzəliyev təmsil edib. Brüsseldə keçirilən Avropa Pul Viktorinasının final mərhələsi 2 turdan ibarət olub. İştirakçılar hər turda 15 sualı cavablandırıblar. 28 ölkədən 56 məktəblinin mübarizə apardığı yarışmanın nəticələrinə görə, ölkəmizi təmsil edən komanda ilk 10-luqda qərarlaşıb. Yarışmada ilk yeri Sloveniya, ikinci yeri Makedoniya, üçüncü yeri isə Almaniya təmsilçiləri tutub.

Avropa Banklar Federasiyasının keçirdiyi Avropa Pul Viktorinasında ilk üç yerin qalibləri pul mükafatı, digər iştirakçılar isə fərqlənmə diplomları ilə təltif edilib.

Yarışmanın keçirilməsində əsas məqsəd məktəblilərin maliyyə savadlılığının artırılmasını dəstəkləməkdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.