CƏMİYYƏT


Avropa Şurasının “HELP e-learning” platformasında hakim və prokurorluq işçiləri üçün təşkil olunan kurs yekunlaşdırılıb

Bakı, 16 may, AZƏRTAC

Avropa Şurası və Ədliyyə Nazirliyinin Ədliyyə Akademiyası ilə əməkdaşlıq çərçivəsində Baş Prokurorluğun Hüquqi təminat və insan hüquqları məsələləri idarəsinin rəis müavini, HELP milli tyutoru Günay Əyyubova tərəfindən Avropa Şurasının “HELP e-learning” platforması üzərindən 23 nəfərə – 11 hakim və 12 prokurorluq işçisinə “Cinayət prosesində prosessual təminatlar və qurbanların hüquqları” mövzusunda distant kurs təşkil olunub.

Baş Prokurorluğun mətbuat xidmətindən AZƏRTAC-a bildiriblər ki, bununla da iki ay müddətində davam edən distant kursa yekun vurulub. Yekunda 8-i prokurorluq işçisi olmaqla 12 nəfər müvəffəqiyyət qazanıb. Yüksək nəticə nümayiş etdirən şəxslərə Avropa Şurasının sertifikatları təqdim olunacaq.

Kursun gedişi maraq doğurduğu üçün Avropa Şurası rəsmi veb-saytında və feysbuk, tviter sosial media hesablarında işıqlandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.