MƏDƏNİYYƏT


Avropa aviasiyası Brüsselin vauçerlər barədə tövsiyələrindən narazıdır

Madrid, 14 may, AZƏRTAC

Avropa aviasiya sektorunda ən nüfuzlu və ən böyük assosiasiyalardan dördü Brüsselin vauçerlər barədə “dolaşıq tövsiyələrinə” görə təəssüfləndiklərini bildirib. Həmin vauçerlərə görə kompensasiya məbləği artıq 9,2 milyard avro təşkil edir.

AZƏRTAC xəbər verir ki, Beynəlxalq Hava Nəqliyyatı Assosiasiyasının (IATA), “Avropa üçün Aviaşirkət”in (A4E), Avropada Beynəlxalq Aviaşirkətlər Nümayəndəliyinin (AIRE) və Avropa Regionları Aviaşirkətləri Assosiasiyasının (ERA) birgə bəyanatında ifadə etdikləri narazılıq bu gün Avropa komissiyası tərəfindən buraxılmış “arzuedilməz və dolaşıq” tövsiyələrlə bağlıdır. Onların fikrincə, bu tövsiyələr təcili olaraq dəqiq və qətiyyətli tənzimləmə tədbirləri görülməli vaxtda aviaşirkətlər və sərnişinlər üçün daha böyük dolaşıqlıq yaradacaq”.

Avropaya səfərlərin kütləvi ləğvinə görə pul vəsaitlərinin qaytarılması barədə müraciətlərin həcmi artıq 9,2 milyard avro təşkil edir. Buna görə assosiasiyalar təəssüflənirlər ki, Avropa komissiyası Cəmiyyətin reqlamentinə qaytarılmalar haqqında təcili düzəliş edilməsi barədə 16 üzv dövlətin xahişinə əhəmiyyət verməyib.

Bu gün dərc edilmiş tövsiyələrdə Avropa komissiyası pandemiya ilə əlaqədar reyslərin ləğv edildiyi hallarda “vauçer”ləri seçən sərnişinləri cəlb etmək üçün Avropa ölkələri tərəfindən verilən dövlət zəmanətlərini və ya sığorta şirkətləri vasitəsilə şəxsi zəmanətləri dəstəkləyir.

Bundan başqa, Brüsselin tövsiyələrinə əsasən, bu vauçerlər istifadə edilməsə, onlar qaytarılmalıdır: “Müvafiq vauçerin verilməsindən ən geci 12 ay sonra sərnişinlər və səyahətçilər istənilən vaxt pul kompensasiyası tələb etmək hüququna malik olmalıdırlar”.

Nigar Cəfərli

AZƏRTAC-ın xüsusi müxbiri

Madrid 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.