İDMAN


Avropa birinciliyində ağır atletlərimiz mübarizəyə başlayırlar

Bakı, 12 avqust, AZƏRTAC

Polşanın Raşin şəhərində 15 və 17 yaşlı yeniyetmələr arasında ağırlıqqaldırma üzrə Avropa birinciliyi start götürüb.

Azərbaycan Ağır Atletika Federasiyasından AZƏRTAC-a bildiriblər ki, yarışda Azərbaycan yığma komandasını məşqçi Oktay Muxtarovun rəhbərliyi altında 5 idmançı təmsil edir. Belə ki, 15 yaşadək qızlar arasında Zəhra Niftəliyeva (71 kq), oğlanların turnirində Turan Əliyev (61 kq) güclərini sınayacaqlar. 17 yaşadək qızların yarışında Rahilə Hüseynzadə (81 kq) iştirak edəcək. Qasım İsmayılov (61 kq) və Ravin Alməmmədov (67 kq) isə bu yaş qrupu üzrə oğlanlar arasında keçiriləcək turnirdə mübarizə aparacaqlar.

Bu gün Turan Əliyev və Qasım İsmayılov körpücük üzərinə çıxacaqlar.

Avqustun 18-dək davam edəcək qitə birinciliyində 36 ölkədən 393 nəfər (192 qız, 201 oğlan) atlet iştirak edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.