DÜNYA


Avropa “insan haqları” qüvvədədir: dənizdə batan miqrantları xilas edənləri həbsxana gözləyir

Berlin, 5 mart, AZƏRTAC

Berlindəki “Jugend rettet” xeyriyyə təşkilatının, habelə “Save the Children” və “Medecines sans Frontieres” humanitar təşkilatlarının üzvləri barəsində İtaliya prokurorluğu tərəfindən başlanmış təhqiqat bu günlərdə başa çatıb.

AZƏRTAC xəbər verir ki, əgər məhkəmə bu şəxsləri miqrantların Avropa İttifaqına qeyri-qanuni yolla gəlmələrinə kömək etməkdə təqsirli bilərsə, onların hər birini 20 ilə qədər azadlıqdan məhrumetmə cəzası gözləyir.

Cavabdehlər 2016-2017-ci illərdə işıq siqnallarının köməyi ilə qaçaqmalçılarla əlaqə saxlamaqda və onlara xilasetmə jiletləri verməkdə təqsirləndirilir. Onlar dənizdə qəzaya uğramış minlərlə qaçqını qəbul edib, bu insanları başqa humanitar təşkilatlara məxsus gəmilərə təhvil verib, sonuncular isə onları İtaliyaya çatdırıblar.

Cavabdehlər özlərini müdafiə etmək üçün bildirirlər ki, xilasedicilərin işinə qanuni vasitələrlə mane olmaq cəhdlərinin nəticələri faciəli ola bilərdi: belə cəhdlər, əslində, xilas edilməsi mümkün olan insanların ölümünə gətirib çıxarardı.

Vüqar Seyidov

AZƏRTAC-ın xüsusi müxbiri

Berlin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.