İQTİSADİYYAT


“Avropa və Şimali Amerika bazarlarına qida məhsullarının ixracında müasir tələblər” mövzusunda müzakirələr aparılıb

Bakı, 3 may, AZƏRTAC

“Bir Pəncərə” İxraca Dəstək Mərkəzi və ABŞ-ın Beynəlxalq İnkişaf Agentliyi (USAID) “Özəl sektorun inkişafı” layihəsinin əməkdaşlığı çərçivəsində “Avropa və Şimali Amerika bazarlarına qida məhsullarının ixracında müasir tələblər” mövzusunda vebinar keçirilib.

İqtisadi İslahatların Təhlili və Kommunikasiya Mərkəzindən (İİTKM) AZƏRTAC-a bildirilib ki, müzakirə zamanı İİTKM-in departament rəhbəri Nicat Hacızadə yeni ixrac bazarları üçün beynəlxalq tələblər haqqında məlumatlılığın və maarifləndirmənin davamlı aparılmalı olduğunu vurğulayıb. Onun sözlərinə görə, istehlakçıların sağlam qidalanmasına yönəlik tədbirlər, habelə xarici ticarət zamanı keyfiyyət tələblərinin gözlənilməsi və əməl edilməsi ölkələr arasındakı qarşılıqlı inam və etibarı artırır ki, bu da yerli ixracatçıların qərb bazarlarında keyfiyyət üstünlüyə səbəb olacaq.

USAID Azərbaycanın standartlaşma və sertifikasiya üzrə mütəxəssisi Fuad Ağayev, beynəlxalq ticarət məsələləri üzrə mütəxəssis Elşən Baloğlanov Avropa və Şimali Amerika bazarlarında tətbiq edilən müasir standartlar haqqında iştirakçılara məlumat veriblər. Həmçinin Avropa və Şimali Amerika bazarlarında qida təhlükəsizliyi, bitki mühafizəsi və keyfiyyətə nəzarət sahəsində mövcud olan tələblər haqqında ətraflı məlumatlar verilib, tələb edilən qaydaların tətbiqinə dair müzakirələr aparılıb. Xüsusən, HACCP və Global G.A.P standartlarının üstünlükləri, Avropa və Şimali Amerika bazarlarında qida sahəsində risk əsaslı idarəetmənin təşkili və yeni tələblər, meyvə-tərəvəz sahəsində ekspertiza, laboratoriya nümunələri və sair haqqında məlumatlar dinləyicilərin diqqətinə çatdırılıb.

Layihənin həyata keçirilməsində əsas məqsəd sahibkarlar arasında qida sahəsində istehsalın yüksək keyfiyyət indikatorlarına uyğunlaşdırılmanın təşviqi, qida təhlükəsizliyi anlayışının təbliğ edilməsi və onlara qida təhlükəsizliyi vərdişlərinin aşılanmasıdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.