DÜNYA


Avropada qazın qiyməti kəskin bahalaşmadan sonra ucuzlaşmağa başlayıb

Bakı, 8 oktyabr, AZƏRTAC

Avropada qazın qiyməti ticarət gününə azacıq bahalaşma ilə başlasa da, sonradan ucuzlaşıb.

AZƏRTAC xəbər verir ki, ICE Futures birjasının məlumatına görə, Niderlandın TTF habında qazın noyabr fyuçersinin qiyməti min kubmetrə görə 1235 dollardan başlayıb, sonra isə 1175 dollara enib.

Qeyd edək ki, son aylar Avropa bazarında qazın qiymətində kəskin artım qeydə alınır. Əgər avqustun əvvəlində min kubmetr yanacağın tədarük qiyməti 515 dollar səviyyəsində idisə, sentyabr ayında onun qiyməti iki dəfə bahalaşıb. Bu həftə isə birjada tarixi maksimim qeydə alınıb – min kubmetrə görə 1937 dollar.

Ekspertlərin fikrincə, kəskin qiymət artımı qitədə qaz anbarlarının doluluğunun aşağı səviyyədə olması, əsas təchizatçılar tərəfindən təklifin məhdudlaşması və Asiyada sıxılmış təbii qaza yüksək tələbatla bağlıdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.