DÜNYA


Avropada yay-qış vaxtına keçidin ləğvi 2021-ci ildən sonra olacaq

Vyana, 30 oktyabr, AZƏRTAC

Avropada yay-qış vaxtına keçidin ləğv edilməsi ən tez 2021-ci ildən sonra mümkün olacaq.

AZƏRTAC xəbər verir ki, bu barədə qərar Aİ Şurasına sədrlik edən Avstriyanın Qrats şəhərində Aİ ölkələri nəqliyyat və ekologiya nazirlərinin qeyri-formal toplantısında qəbul olunub.

Avropa Komissiyasının təklifi əsasında müzakirəyə çıxarılan məsələdə üzv ölkələrin nazirləri ümum-Avropa qərarına nail ola bilmək üçün koordinator təyin edilməsi qərarına gəliblər. Qarşıda duran əsas hədəf yay-qış vaxtına keçidin ləğvi baş tutarsa, bu qərarın bütün üzv ölkələr tərəfindən icra edilməsinə nail olmaqdır. Əks halda, yaranacaq xaos həm iqtisadi, həm də loqistik problemlərə yol aça bilər.

Yay-qış vaxtına keçidin ləğvi ilə bağlı hərəkət planı nazirlərin dekabrda keçiriləcək rəsmi zirvə toplantısında qəbul ediləcək.

Elgün Niftəli

AZƏRTAC-ın xüsusi müxbiri

Vyana

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.