DÜNYA


Avropanın 29 ölkəsindən Estoniyaya gələnlər iki həftəlik karantinə alınılacaqlar

Tallinn, 8 sentyabr, AZƏRTAC

Avropanın 29 ölkəsindən Estoniyaya gələn hər kəs iki həftə ərzində özünütəcrid rejiminə əməl etməli olacaq.

AZƏRTAC Estoniya Xarici İşlər Nazirliyinin məlumatına istinadla xəbər verir ki, Avropa ölkələrində koronavirusa yoluxma səviyyəsi nəzərə alınaraq Andorra, Avstriya, Belçika, Bolqarıstan, İspaniya, Hollandiya, Xorvatiya, İrlandiya, İslandiya, İtaliya, Yunanıstan, Lixtenşteyn, Lüksemburq, Malta, Monako, Polşa, Portuqaliya, Fransa, İsveç, Rumıniya, Almaniya, San Marino, Slovakiya, Sloveniya, İsveçrə, Danimarka, Çexiya, Macarıstan və Böyük Britaniyadan Estoniyaya gələnlər üçün ikihəftəlik hərəkət məhdudiyyəti tətbiq olunacaq.

Bildirilir ki, hərəkət məhdudiyyəti ilə bağlı qərar Kipr, Litva, Latviya, Norveç, Finlandiya və Vatikandan Estoniyaya gələn şəxslərə şamil olunmayacaq.

Asiman Əsədov

AZƏRTAC-ın xüsusi müxbiri

Tallinn 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.