DÜNYA


Avstraliyada təyyarənin qəzaya uğraması nəticəsində iki nəfər həlak olub

Tokio, 4 mart, AZƏRTAC.

Avstraliyanın Eksmut şəhəri yaxınlığındakı Keyp-renc milli parkında kiçik mühərrikli təyyarənin qəzaya uğraması nəticəsində iki nəfər həlak olub.

AZƏRTAC xəbər verir ki, bu barədə Avstraliyanın “9News” xəbərlər portalı məlumat yayıb.

Eksmut aeroportunda havaya qalxan təyyarənin axtarışlarına martın 3-də axşam saatlarında təyyarənin dispetçerlə əlaqəsi kəsildikdən sonra başlanılıb. Təyyarənin qalıqlarını Keyp-renc milli parkının əməkdaşı parkdakı dərədə aşkar edib. Təyyarə qəzaya uğradıqdan sonra pilot və sərnişini həlak olublar.

Təyyarədə həlak olanların şəxsiyyəti barədə hələlik məlumat verilmir. Hadisənin baş verməsi səbəbləri araşdırılır.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.