SİYASƏT


Avstraliyanın Kanberra şəhərində Vətən müharibəsi şəhidlərinin xatirə guşəsi yaradılıb

Kanberra, 17 oktyabr, AZƏRTAC

Azərbaycanın Ermənistan tərəfindən işğal edilmiş ərazilərinin azad edilməsi məqsədilə aparılmış 44 günlük Vətən müharibəsi şəhidlərinin və 2020-ci il oktyabrın 17-də Gəncəyə düşmənin raket zərbəsi nəticəsində həlak olmuş mülki şəxslərinin xatirəsi Avstraliyanın Kanberra şəhərində anılıb.

AZƏRTAC xəbər verir ki, bu məqsədlə Azərbaycanın Avstraliya İttifaqındakı səfirliyinin binası önündə xatirə guşəsi yaradılıb.

Guşədə Gəncə, Bərdə və Tərtər şəhərlərində erməni vəhşiliyinin qurbanı olan dinc sakinlərin, hücum nəticəsində həyatını itirən günahsız uşaqların, habelə raket zərbəsi ilə dağıdılan yaşayış binalarının və mülki obyektlərin fotoları əksini tapıb.

Avstraliyada yaşayan həmvətənlərimiz, eləcə də yerli sakinlər səfirliyin binası qarşısına gələrək, guşənin önünə gül dəstələri düzüblər. Şəhidlərimizin xatirəsinə dərin ehtiramlarını bildirərək, xalqımızla həmrəylik nümayiş etdiriblər.

 

Vüqar Ağayev

AZƏRTAC-ın xüsusi müxbiri

Kanberra

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.