DÜNYA


Avstraliyanın Melburn şəhərində gecə klubunda atışma olub

Tokio, 14 aprel, AZƏRTAC 

Aprelin 14-nə keçən gecə Avstraliyanın Melburn şəhərindəki “Love Machine” adlı gecə klubunda baş verən atışma nəticəsində dörd nəfər yaralanıb.

AZƏRTAC xəbər verir ki, bu barədə Viktoriya ştatı polisinin yaydığı məlumatda bildirilib. Xəsarət alan şəxslər dərhal xəstəxanaya çatdırılsa da, onlardan biri ölüb. Digərlərinin vəziyyətinin ağır olduğu qeyd edilib.

Hüquq-mühafizə orqanlarının əməkdaşları baş verən hadisə ilə bağlı araşdırmalara başlayıblar. Şəxsiyyəti hələlik müəyyən edilməyən cinayətkarın qara rəngli “Porsche” avtomobili ilə hadisə yerindən uzaqlaşdığı bildirilir. Həmin avtomobil sonradan yanmış vəziyyətdə aşkarlanıb.

Polis yerli sakinlərə müraciət edərək, atəş açmış şəxsin tapılmasına yardım göstərmələrini xahiş edib.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.