DÜNYA


Avstriya Hava Yollarına məxsus təyyarədən bir neçə milyon avro qarət olunub

Vyana, 10 aprel, AZƏRTAC

Avstriya Hava Yollarına məxsus təyyarədən bir neçə milyon avro qarət olunub.

AZƏRTAC Avstriya mətbuatına istinadla xəbər verir ki, hadisə aprelin 9-da Albaniyanın paytaxtı Tiranadan Vyanaya yola düşməli olan təyyarədə baş verib. Üzləri maska ilə örtülmüş üç silahlı şəxs uçuşa hazırlanan təyyarəyə yaxınlaşaraq, baqaja yüklənən bank vəsaitlərini ələ keçirib. Hadisə zamanı sərnişinlərə və heyət üzvlərinə heç bir xətər toxunmayıb. Ərazidən uzaqlaşmağa çalışan soyğunçulardan biri polislə atışma nəticəsində öldürülüb.

Polisin mətbuata ilkin məlumatında iki milyon avronun oğurlandığı bildirilsə də, sonradan bu məlumat təkzib edilib. Mətbuata sızan məlumatlara görə, oğurlanan vəsaitin məbləği bu rəqəmdən beş dəfə çox olub.

Albaniyada fəaliyyət göstərən bir sıra xarici banklar pul transferlərini mütəmadi olaraq nağd formada həyata keçirirlər. Bu barədə məlumatlı olan mütəşəkkil cinayətkar dəstə uçuşa hazırlanan təyyarəyə hücum edib.

Hadisə ilə əlaqədar Avstriya Hava Yolları Tiranadan qiymətli yüklərin daşınmasını müvəqqəti olaraq dayandırıb.

Elgün Niftəli

AZƏRTAC-ın xüsusi müxbiri

Vyana

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.