DÜNYA


Avstriya hökuməti rohinca qaçqınlarına yarım milyon avro maddi yardım ayıracaq

Vyana, 20 fevral, AZƏRTAC

Avstriya rohinca qaçqınlarına yarım milyon avro maddi yardım ayıracaq. Bu xəbəri hazırda Cənubi Asiya ölkələrində səfərdə olan Avstriyanın federal xarici işlər naziri Karin Knayssl təsdiqləyib.

AZƏRTAC xəbər verir ki, səfərini Banqladeşdən başlayan XİN rəhbəri Avstriya Fəlakətlərə Yardım Fondundan Banqladeşə qaçqın axını ilə bağlı dəstək üçün vəsait ayrıldığını bildirib. Avstriyanın 1971-ci ildə Banqladeşin dövlət müstəqilliyini tanıyan ilk dövlətlərdən biri olduğunu qeyd edən nazir ölkəsinin buradakı qaçqın problemini diqqətdə saxladığını deyib.

Qeyd edək ki, Myanmada müsəlman rohincaların təqibi nəticəsində 2017-ci ildən bəri Banqladeşə bir milyondan artıq qaçqın gəlib.

Nazirin səfəri Nepal, Butan və Hindistanda davam edəcəkdir.

Elgün Niftəli

AZƏRTAC-ın xüsusi müxbiri

Vyana

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.