Bakı, 15 mart (AZƏRTAC). Yağmurlu hava şəraitindən sonra avtomobil yollarında və körpülərdə təmizlik işləri aparılır.

Nəqliyyat Nazirliyinin “Azəryolservis” ASC-nin mətbuat xidmətindən AZƏRTAC-a bildirmişlər ki, yollar və körpülər səhmdar cəmiyyətin balansında olan xüsusi maşınlar vasitəsilə təmizlənir. Həmin maşınlar 10 ton sugötürmə qabiliyyəti olan “Ford” markalı yük maşınlarıdır. Yollar təmizlənərkən xüsusi maddələr yuyucu toz ilə qarışdırılır və təzyiqli su ilə çirkli hissələr yuyulur. Eyni zamanda, yol nişanları, bardürlər mütəmadi olaraq təmizlənir.

Bundan əlavə, ASC-nin balansında olan xüsusi süpürgələr quraşdırılmış avtomaşınlar da yolların mütəmadi təmizlənməsində iştirak edir.