CƏMİYYƏT


Avtomobillərdən və evdən oğurluq etməkdə şübhəli bilinən şəxslər saxlanılıb

Bakı, 23 yanvar, AZƏRTAC

Suraxanı Rayon Polis İdarəsinin 31-ci polis bölməsinin əməkdaşlarının keçirdikləri əməliyyat-axtarış tədbirləri nəticəsində ötən il sentyabrın 16-dan noyabrın 4-dək olan müddətdə iki avtomobildən maqnitofon və akkumulyator, bir evdən su sayğacı oğurlamaqda şübhəli bilinən Bülbülə qəsəbə sakini Xalid Əbdülməmmədov yaxalanıb.

Daxili İşlər Nazirliyinin mətbuat xidmətindən AZƏRTAC-a bildiriblər ki, Xətai Rayon Polis İdarəsinin 36-cı polis bölməsinin əməkdaşları tərəfindən yanvarın 18-də paytaxt sakini olan bir nəfərin cibindən 2500 manat oğurlamaqda şübhəli bilinən Bakı şəhər sakini Nicat Şahavədli saxlanılıb.

Nəsimi Rayon Polis İdarəsinin 19-cu polis şöbəsinin əməkdaşları tərəfindən yanvarın 5-də paytaxt sakini olan bir qadının içərisində 350 manat və bank kartları olan pulqabısını oğurlamaqda şübhəli bilinən Bakı şəhər sakini Nərgiz Ağaməmmədova tutulub.

Faktla bağlı araşdırma aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.