“Ayaks” baş məşqçisini istefaya göndərib

Bakı, 27 yanvar, AZƏRTAC

Niderlandın “Ayaks” futbol klubu baş məşqçisi Alfred Şroyderi istefaya göndərib.

AZƏRTAC xəbər verir ki, bu barədə klubun rəsmi saytı məlumat yayıb.

Məşqçi ilə müqavilə 2024-cü il iyunun 30-dək olsa da, rəhbərlik komandanın nəticələrinə əsasən baş məşqçi barədə bu qərarı verib.

Qeyd edək ki, A.Şroyder ötən ilin yayında “Brügge” komandasından ayrılaraq “Ayaks”a gətirilmişdi. Son 5 oyunda heç-heçə edən “Ayaks” ölkə çempionatında 34 xalla 5-ci pillədə qərarlaşıb.