“Ayaks” klubu Niderland çempionatının qalibi olub

Bakı, 12 may, AZƏRTAC

Futbol üzrə Niderland Erediviziyasında cari mövsümün qalibi müəyyənləşib.

AZƏRTAC xəbər verir ki, XXXIII turda evdə “Herenven”i 5:0 hesabı ilə məğlub edən “Ayaks” vaxtından əvvəl qızıl medallara sahib çıxıb. Sona 1 tur qalmış çempionluğunu rəsmiləşdirən Amsterdam təmsilçisi ümumilikdə 36-cı dəfə bu titula yiyələnib.

Komanda bu qələbədən sonra xallarını 82-yə çatdırıb.

Qeyd edək ki, PSV (78 xal) gümüş, "Feyenoord" (71 xal) isə bürünc medalların sahibi olub.