İDMAN


“Ayntraxt”ın azarkeşləri azərbaycanlı kimsəsiz uşaqlara Avropa Liqasının finalına biletlər hədiyyə edəcəklər

Bakı, 22 may, AZƏRTAC 

Bakıda Avropa Liqasının finalına biletlər bronlamış Almaniyanın “Ayntraxt” futbol klubunun azarkeşləri bu biletləri Azərbaycan paytaxtının uşaq evlərindən birində yaşayan kimsəsiz uşaqlara hədiyyə etməyə hazırlaşırlar.

AZƏRTAC xəbər verir ki, “Ayntraxt” fan forumunda “Bakıda uşaqlara biletlərin ianə edilməsi” aksiyasının təşəbbüskarının sözlərinə görə, Almaniya komandasının azarkeşlərinin təqribən 100 bileti var və onlar bu biletləri artıq göndərməyə başlayıblar.

“Ayntraxt” fanatları bildiriblər ki, Avropa Liqasının finalı bu uşaqlar üçün əlçatmaz hadisədir. Buna görə də onlar belə hədiyyə etmək qərarına gəliblər.

Xatırladaq ki, Frankfurtun “Ayntraxt” klubu Avropa Liqasının finalının bir addımlığında - yarımfinalda Londonun “Çelsi” klubuna məğlub olub.

“Çelsi”-“Arsenal” matçı mayın 29-da Bakıdakı “Olimpiya” stadionunda keçiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.