“AzFinance İnvest” MMC-yə broker və diler fəaliyyəti ilə məşğul olmaq üçün lisenziyalar verilmişdir

Bakı, 11 aprel (AZƏRTAC). Qiymətli Kağızlar üzrə Dövlət Komitəsi “AzFinance İnvest” Məhdud Məsuliyyətli Cəmiyyətinə broker və diler fəaliyyəti ilə məşğul olmaq üçün 5 il müddətinə yeni xüsusi razılıqlar (lisenziyalar) vermişdir.

Komitənin ictimaiyyətlə əlaqələr sektorundan AZƏRTAC-a bildirmişlər ki, hazırda qiymətli kağızlar bazarında 16 broker, 15 diler fəaliyyətinin və 2 qiymətli kağız sahiblərinin reyestrinin aparılması, 3 depozitar, bir fond birjası, 2 klirinq və aktivlərin idarə olunması üzrə bir təşkilatın xüsusi lisenziyaları qüvvədədir.