İQTİSADİYYAT


“AzInTelecom” Azərbaycanda ilk dəfə keçirilən “Aquahack” virtual hakatonuna dəstək verib

Bakı, 7 iyul, AZƏRTAC

Nəqliyyat, Rabitə və Yüksək Texnologiyalar Nazirliyinin nəzdində fəaliyyət göstərən “AzInTelecom” MMC “Hackhathon Azerbaijan”ın keçirdiyi virtual hakatona dəstək verib.

Nazirlikdən AZƏRTAC-a bildirilib ki, su ekologiyası mövzusunda Azərbaycanda bir ilk olan “Aquahack” hakatonunu “Hackathon Azerbaijan” Ekologiya və Təbii Sərvətlər Nazirliyi və BMT-nin İnkişaf Proqramı (UNDP) ilə birgə təşkil edib. “AzInTelecom” bu kimi korporativ sosial məsuliyyət layihələrinə hər zaman önəm verir, ölkənin bu günü və gələcəyinə öz qatqısını verməyə çalışır.

Qeydiyyat prosesində “Aquahack”da iştirak üçün 328 nəfər müraciət edib, nəticə etibarilə 68 komanda qeydiyyatdan keçib. Onlardan 61 komanda, yəni 207 nəfər seçim mərhələsinə buraxılıb. Sonda isə müsabiqə tələblərinə cavab verən 49 komanda yarışda iştirak hüququ qazanıb.

Hakatonda məişətdə və sənayedə suyun istifadəsinin səmərəliliyinin artırılması, ona qənaətlə bağlı maarifləndirmə metodlarının aşkarlanması, su təchizatı infrastrukturunun səmərəli istifadəsinin təmin olunması, eləcə də su ehtiyatlarının idarə olunması ilə bağlı ideyalar işlənib.

Bir neçə gün öncə yekunlaşan yarışın qalibləri elan olunub. Birinnci yerin qalibi olan “Arducoman” komandasına 5 min AZN, 2-ci yeri tutan “Aquahackermaks” komandasına 3 min AZN, 3-cü yerin sahibi “Satetlite” komandasına isə 2 min AZN məbləğində mükafat təqdim ediləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.