ELM VƏ TƏHSİL


AzMİU-da “British Council” təşkilatının ingilis dili klubunun yaradılması planlaşdırılır

Bakı, 5 noyabr, AZƏRTAC

“British Council Azərbaycan”ın direktoru, Böyük Britaniyanın ölkəmizdəki səfirliyinin mədəniyyət müşaviri Summer Xia Azərbaycan Memarlıq və İnşaat Universitetinin (AzMİU) rektoru, professor Gülçöhrə Məmmədova ilə görüşüb.

AzMİU-dan AZƏRTAC-a bildirilib ki, görüşdə “British Council Azərbaycan”ın nümayəndələri - təhsil və ingilisi dili üzrə şöbə müdiri Nərgiz Hüseynova, imtahan mərkəzinin müdir müavini Nərgiz Əkbərova da iştirak ediblər.

Qonaq “British Council” tərəfindən təşkil olunan “Creative Spark” layihəsini AzMİU-nun London South Bank Universiteti və Lester Universiteti ilə birgə qazanmasını böyük uğur kimi qiymətləndirib. O, AzMİU rəhbərliyini 2019-cu ilin mayında keçiriləcək “Going Global 2019” konfransına dəvət edib.

Görüş zamanı bir sıra aktual məsələlər müzakirə olunub, müəllim və tələbələr üçün ingilis dili təlimlərinin təşkil edilməsi, AzMİU-da “British Council” təşkilatının ingilis dili klubunun yaradılması, ingilis dili tədris edən müəllimlərin ingilis dili biliklərinin səviyyəsinin yoxlanılması planlaşdırılıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.