ELM VƏ TƏHSİL


AzTU-da Tvinninq layihəsi çərçivəsində növbəti seminar

Bakı, 15 may, AZƏRTAC 

Azərbaycan Texniki Universitetində (AzTU) “Azərbaycanda ali təhsil sisteminin gücləndirilməsinə dəstək” Tvinninq layihəsi çərçivəsində “Təhsil müddətinin fənlərə görə deyil, əldə olunan bacarıqlara əsasən tanınması” mövzusunda seminar keçirilib.

AzTU-dan AZƏRTAC-a bildirilib ki, seminarda çıxış edən beynəlxalq əlaqələr üzrə prorektor, professor Sübhan Namazov Tvinninq layihəsinin ölkəmizdə ali təhsil sisteminin Avropa ali təhsil sisteminə uyğunlaşdırılması baxımından böyük əhəmiyyət daşıdığını söyləyib. Prorektor AzTU-nun Tvinninq layihəsində fəallığını qeyd edib, son illər əldə olunan nailiyyətlərdən, tədrisdə praktik biliklərin tətbiqindən, universitetin uğurlu beynəlxalq əməkdaşlığından danışıb.

Tvinninq layihəsinin əlaqələndiricisi Liza Baydanova seminar haqqında məlumat verib və əhəmiyyət kəsb edən məsələləri iştirakçıların diqqətinə çatdırıb. Litvalı ekspert Kristina Stkute isə təqdimatla çıxış edərək təhsil tanınmasının həyata keçirilməsi prosesində kompetensiyalara (əldə olunan bacarıqlara) əsaslanan yanaşmanın əhəmiyyətindən danışıb.

Seminar çərçivəsində iştirakçılar təlimin nəticələri haqqında öz düşüncələrini yazıblar. İştirakçıların yazılarına Fransadan olan ekspert Jan-Luk Lomboley tərəfindən şərhlər verilib.

İnteraktiv keçirilən seminarda ekspertlər iştirakçıların suallarını cavablandırıb, maraq kəsb edən məsələlər ətrafında müzakirələr aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.